Joshua van cu American Fighter Johnson nih a knockout in a tei.

Round 2 nak tiang ahcun a habik in aa celh kho ko nain round 3 nak ah American fighter Johnson nih a tei hi a si. Joshua van cu puai 3 pehtlai in teinak a hmu i a puai 4 nak ah atu bantuk in a sungh hi a si.

US President hlun Donald Trump cu Cawnnihnih (April 4, 2023) ah, New York biaceih inn ah chuahpi a si cang lai. Thawngzamhtu hna nih mipi caah tling tein thlah ding in an nawlmi, an chuahpi lio video tling mipi sinah zamh ding cu New York biaceih bawi Juan Merchan nih a al hna.

Cawnnikhat ah Trump Sihni hna nih biaceih bawi cu thawngzamhtu hna nih an rak nawlmi al ding in an rak nawl. Sihmanhsehlaw, hmanthlatu minung panga cu biaceihnak thawk hlan ah, Trump cu hmanthlaknak nawl pek an si lai. US president a rak tuan bal mi hna tuanbia a hmasa bik mipi hmai ah sualphawt in biaceih inn ah chuahpimi a si lai. Ref: CNN

US President hlun Donald Trump cu New York, Manhattan biaceihtubu nih sual an phawt. Biaceih inn ah chuahpi a si cang lai. Stormy Daniel cu tangka tampi a rak peknak kong he pehtlai in tazacuai a si rih lai.

Donald Trump cu Florida ah a um rih nain New York biaceih inn ah a sualnak kong he pehtlai in chuah pi a si lai. Sualphawt a si cang caah zei ruang bik ahdah biaceih a si lai timi cu a fiang rih lo.

Sihmanhsehlaw, US thawngzamhtu tampi nih Trump cu a ruang thong hnih reng lo in tazacuai a si lai, tiah an chim. Trump nih sual an phawtnak cu a cohlan duh lo, sual an ka phawt hi “ramkhel hremnak” a si, tiah a chim. Cucaah, Donald Trump cu US president tuanbia ah a hmasabik biaceih a tongmi president hlun a si lai. Ref: BBC

US State Department Counselor a simi Derek Chollet nih Jakarta thawnghaltu hna sinah, “Tutan dantatnak kan tuah dingmi nih Kawlram ralkap cozah cu hriamnam thar cawk awk ah a harhter chin lai,” tiah a chim.

United State le nitlaklei ram tampi nih Kawlram ralkap cozah le ralkap chungtel hna cung ah dantatnak phun tampi an rak tuah cang hna.

US nih Kawlram ralkap pumpak in minung 80 renglo cung ah dantatnak kan rak tuah cang, tiah Chollet nih a chim. Kawlram buainak a daih khawh nakhnga Russia nih ralkap bawmhnak a pekmi a ngol hrimhrim a herh, tiah Chollet nih a chim chap.

“Kawlram ralkap nih ramleng in hriamnam an luhpi khawh lo tik, Russia nih hriamnam bawmhnak a pek ti lo tikah, karhlannak nganpi kan tuah lai,” tiah a chim.

Association of Southeast Asian Nations (ASEAN) zong nih ramkhel tonnak ah Kawlram ralkap hna cu telh lo, sawm lo ding in a chimh hna. Ref: Reuters

Ramkulh hna nih nauhrawhnak an kham khawh timi kan hnu June thla ah Supreme Cout nih thawng a rak thanh. Cu thil thawk in ram chung um Republican nih a ukmi upadi tuah le thlennak nawl a ngeimi bu hna nih nu hna nih nauhrawhnak nawl a ngeihmi caan tawi le nauhrawhnak nawl a khamtu phungphai hna cu an rak chuah.

“Kan ram kan fanu hna caah a tha deuhmi hmailei an nun lamthluan an hmuh nakhnga rian kan tuan than a herh,” tiah Jill Biden nih a chim.