Joshua van cu American Fighter Johnson nih a knockout in a tei.

Round 2 nak tiang ahcun a habik in aa celh kho ko nain round 3 nak ah American fighter Johnson nih a tei hi a si. Joshua van cu puai 3 pehtlai in teinak a hmu i a puai 4 nak ah atu bantuk in a sungh hi a si.

Kayin ramkulh, Hpapun peng hrambunh SAC ralkap sakhan Khah-mah-yah ( Battalion -340) laak kahdohnak ah mipi ralkap pahnih nunnak a liam tiah Royal Peacock Column nih cathanh an chuah.

April 24 ni ah Royal Peacock Column chungtel ralkap Be Gyi le Ko Hnget cu rampi dohthlennak caah an nunnak an pek, nunnak a petu kan ralkap hna upatnak kan in pek hna tiah an langhter chih.

Mindat peng, Teihne No.2 Vomthu sii-inn cu April 25, zaan sml 8:00 ah SAC ralkap nih raltuknak vanlawng in bomb a thlak caah sii a thlop lio mi minung 4 nunnak a liam i minung 15 leng nih hliamhma faak an tuar tiah kan theih.

“Bomb thlak ruang ah sii aa thlop lio mi minung 4 a hmun ah an nunnak a liam i, minung 15 leng nih hliamhma faak an tuar, hi nak zong in an tam kho,” tiah CDF -Mindat in ṭuanvo ngeitu Hua Om nih VOA ah a fehter.

Hi bomb thlak ruang ah hin sii-inn le zung riantuan hna umnak inn pawl zong a rawk tiah a chim chap.

Cun Vomthu sii-inn lawng si loin a pawng khua, khua 2 zong ah April 26 zinglei ah bomb a thlak than caah mipi hliamtuar le inn rawkral a um kho tiah CDF-Mindat nih an langhter. Hi ti vanlawng in bomb a thlak lio ah hin kaphnih kar kahdohnak zei hmanh a um lo tiah theih a si.

Vomthu khua cu Mindat khua chaklei meng 20 hrawng hlat ah a um mi khua a si. Vomthu sii-inn hi Mindat peng lawng si lo in Kanpalet peng, Matupi peng, Magwe ramthen, Pakokko peng, Gangaw peng Yaw lei tiang nih an rak fuhpanhmi sii-inn a si.

Hakha peng, Malsawm khuami Peter Biak Tha Cung (Kum ngakchia te cu nihin April 14 (Zarhpi Ni) chun sml 1:40 hrawng ah Chin tlangval pakhat nih a thah tiah kan theih.

Peter Biak Tha Cung hi a upa (kum 15) le a nu he Malaysia ah khuasa mi an si, a nu nih inn floor a tlaih i innkhan pakhat hi mithat lainawng pa nih a hlan hna caah innkhat ah khua an sa ṭi hna.

“Mithat lainawng pa nih a ihnak khan ah a auh i Peter Biak Tha Cung cu a thah hnu ah a upa ihnak khan ah a va kal i a nau handphone cu a va pek i a zaam” tiah naihniam nih CCN ah a chim.

“A upa te nih inn khat khuasa an si tik ah a nau cu a it rua tiah a ruah i zei a hngal lo, caan tlawmpal a rauh ah ka nau tho cang tiah a va hlauh ah cun a nau te cu a rak cawl ti lo, sunghno an nu hi riantuan nak ah a kal lio a si i a online lo caah chungkhat an Ni cu a upa te nih ka nau a tho ti lo tiah phone a chawnh” tiah a chim chap.

Peter Biak Tha Cung ruak cu siizung pi ah an kal pi i nawlngeitu hna nih hringtu a nu lawng an luh ter tiah theih a si.

Mithat lainawng pa he pehtlai in kan hlat khawh tawk ah cun hi pa hi a caan ah a thluak a hman lo mi a si i a mah i hringtu a nu zong hi a hrut pah lengmang i fimsii an chuh peng mi a si tiah naihniam pakhat nih CCN ah a chim.

Malaysia ram palik nih mithat lainawng pa cu an kawl cuahmah lio a si i a tu tiang cu an tlai kho rih lo tiah theih a si.

Chin ramkulh ,Hakha Peng Leium khua pawngkam ah Vaupi (April) 19 ni CNA ralkap le SAC ralhrang kahdohnak ah nunnak a liam mi CNA ralkap pahnih hna cu nihin April 23 ah an ruak an laak khawh cang hna tiah theih a si.

Hi ruak an laak lio ah CNA minung pakhat ruak cung i bomb an chiah mi nih kan ralkap pakhat a puah i hliamhma fak ngai in a tuar tiah theih a si.

Gangaw lei in a rak kaimi SAC ralhrang hi an dihlak ah 200 fai an si i tu hi Leium in an chuak cang tiah theih a si.

Sagaing, Kalay Myo, Bogyoke lam cung ah SAC ralhrang doh in lam a zawhmi minung 4 cu tlaihkhih an tong, tiah theih a si.

April 16, 2023 Kawl titoih puai a ni 4nak ah lam a zawhmi hna cu a ni 799nak SAC doh in Bogyoke lam cung an zawh lio ah ralhrang hna nih a kan tlaih tiah lam zawhnak in a luatmi minung pakhat nih a chim.

“Lam kan zawh hlan ah ralhrang pawl lamthluan dirhmun le sining zong tha tein kan zoh ko. ‘Taw Hlan Thagian’ tiin kan au. Tlawmpal ah an vun phan colh. Meithal in a kan kah. Ka hawikom 4 cu an tlaih hna. Keimah lawng ka luat” tiah a chim.

Dalaan hna nih thawng an pek hna ruang ah atu bantukin kan tlaih khawh hna hi a si, a herh ning in dantatnak kan tuah hna lai, tiah SAC nih a chim.

Tlaihkhih a tongmi minung pali hna cu Ko Myo Ko Win, Ko Than Soe Oo, Cin Deih Kim le Hnein San an si hna.

Ref: DVB

SAC ralhrang bawizik Min Aung Hlaing cu Kawl titoih puai chung Pyin Oo Lwin ah khua a sa i a kut aa hlai, tiah theih a si.

Pyin Oo Lwin a caam chung vialte SAC nih a nun him nakhnga tiah, ralkap tampi a chiah piak. “May Myo sakhaan pawng um sang kip ah SAC nih lam kip ah ralkap pahnih in pali tiang pe tlawmpal lawng dan in titoih puai chung vialte a chiah piak. Zaan zong ah an i chawk peng. Min Aung Hlaing a phan ti lawng kan theih” tiah May Myo khuasa pakhat nih a chim.

Nay Pyi Taw ah SAC hruainak in tuahmi titoih puai onnak zong ah Min Aung Hlaing cu a kal lo, amah aiawh ah Soe Win nih tuanvo a lak.

Ref: Khit Thit Media

Shan ram, Nawngcho (Naunghkio) ah ni 10 chung ralkap le PDF kahdohnak ah SAC ralkap minung 75 nunnak a liam, MDY-PDF lei in minung 7 an nunnak a liam ve, tiah MDY-PDF sin in theih a si.

Mandalay he aa naihmi chaklei Shan ram Nawngcho ah ni 10 chung kahdohnak ah SAC ralkap nih hriamnam le minung thazaang tampi hmang in PDF cu a kah lawng siloin vanlawng hmang in voi 27 tiang a kah hna, tiah MDY-PDF thawngzamhtu pakhat nih a chim.

“SAC ralkap hna nih voi tampi a kan doh, a kan naih, an i hliam tikah an kir than” tiah MDY-PDF thawngzamhtu nih a chim.

Vanlawng in bomh an thlaknak an i palh caah anmah SAC ralkap umnak ah a tla i minung 30 hrawng an thi, tiah a chim chap. SAC ralkap a nunnak a liammi zat fiang in theih a si rih lo. Hi kong he pehtlai in Myanmar Now nih SAC ralkap lei nawlngeitu pehtlaihnak a tuah kho rih lo, tiah theih a si.

Nawngcho ah hram bunh in a cawlcangmi MDY-PDF cu tlangcung hriamtlai pakhat a simi Ta’ang National Liberation Army (TNLA) he fonh in SAC cu an doh lio a si. Ref: Myanmar Now

Hi hla hi Myanmar ram ah ralhrang nih hramhram in uknak an laak kum 2 tlin (February 1) ni ah Chin Tube Channel nih Youtube in an thlah hi a si.

Vawlei cung ram tampi in Youtuber 25 leeng nih reaction zong an pek. Youtuber cheukhat nih cun sakhmasa mi (original) nak zong in a ṭha deuh a ti zong an um len.

Chinlung Chuak Artist cu Chin le Mizo hlasak minthang cheukhat i bawm in an dirhmi a si. An i tinhmi cu Chin le Mizo unau kan si nak ah theihthiamnak le dawtnak a karh chin nak ding hi a si.

Photo crd: Chintube

February 19 ni ah ralhrang doh nak caah ti in Global Tlangte khua nih CBCUSA-CDF Supporting Committee sin ah dollar singkhat an pek. Pechaan tu Global Tlang te cung ah lunglawmh nak tam pi kan ngei.

ဖေဖော်ဝါရီ ၁၉ ရက်နေ့တွင် Global Tlangte ရွာမှ တော်လှန်ရေးအတွက် CBCUSA-CDF Supporting Committee ထံ အမေရိကန် ဒေါ်လာ ၁ သိန်း ပေးအပ်လှူဒါန်းကြောင်း သိရှိရပါသည်။ လှူဒါန်းမှုအပေါ် အတိုင်းမသိ ကျေးဇူးတင်ရှိပါသည်။