Salai Chanawithang – CCN Thawngpang

Hlasak Thiam Milley Sui & CCN Biaruah Nak [Interview]

Salai Chanawithang — Thu, 18 Jul 2024 11:56:23 +0000

Joshua Van Cu Knockout In A Sung

Salai Chanawithang — Mon, 15 Jul 2024 04:51:50 +0000

Chiapa[July] 14, 2024 _ CCN Channel

Joshua van cu American Fighter Johnson nih a knockout in a tei.

Round 2 nak tiang ahcun a habik in aa celh kho ko nain round 3 nak ah American fighter Johnson nih a tei hi a si. Joshua van cu puai 3 pehtlai in teinak a hmu i a puai 4 nak ah atu bantuk in a sungh hi a si.

Donal Trump Meithal Kah A Tong

Salai Chanawithang — Sun, 14 Jul 2024 23:56:08 +0000

https://chincablenetwork.com/wp-content/uploads/2024/07/Teump.mp4

CNA Ralkap Bawino Salai Thangphe Nih Ram Le Miphun Caah Nunnak Pek

Salai Chanawithang — Fri, 24 May 2024 13:02:50 +0000

Biangreithlep [ May ] 23, 2024_CCN Channel

Chin ramkulh, Tonzaang kahdohnak ah CNA ralkap Bawino Salai Thang Phe nih ram le miphun caah a nunnak a pek tiah kan theih.

Bawino Thang Phe hi Kachin ram ah training tha tein a rak kai mi a si,

Tantak mi chungkhar le a ralkap hawi kan biak Pathian nih in hnem hram ko hna seh.

Tonzang Khuapi Kahdohnak Ah SAC Ralkap 40 Hrawng An Nung In An Tlaih Hna I Hriamnam Zong Tampi An Lak

Salai Chanawithang — Fri, 24 May 2024 12:57:42 +0000

Chin ramkulh Tonzang khuapi cu May 23 zaan ah Chinland ralkap hna nih tlamtling tein an lak khawh cang tiah theih a si.

Tonzang khuapi palik sakhan le Kha-Lah-Yah 269 ralkap sakhan hna cu Chinland ralkap hna nih an lak i ralhrang hna nih khuapi ngah khawh nak ding ah helicopter le jet fighter hmang in an i zuam len ca ah kaphnih kahdohnak a fak ngai. Cu kahdohnak ah SAC ralhrang a nung in tlaihmi an um tiah CNA chimphuannak nawlngei Salai Htet Ni nih a chim.

“Tonzang khuapi cu May 23 zaanlei suimilam 4 hrawng ah SAC ralhrang hna kut in kan lak khawh cang. Ralhrang kan tlaihmi zong an um i a zam mi zong an um hna.A zammi hna cu Tedim khuapi lei ah an zam hna. Minung 40 hrawng kan tlaih hna i 15 hrawng cu hliam an tuar” tiah a chim.

“Cun kan tlaihmi hna hi ralkap an van chapmi hna an si lai tiah kan zumh” tiah a chim chap.

Tonzang khuapi laknak cu May 17 in an rak thok i May 23 zanlei tiang an i kap. Ralhrang lei in minung 20 hrawng an thi i Chinland ralkap lei in ram le miphun ca ah nunnak a pe mi an um ve tiah theih a si.

CNDF Nih CNA Ralrinnak Caa A Pek Ṭhan

Salai Chanawithang — Sun, 28 Apr 2024 11:57:57 +0000

Vaupi [ April ] 28, 2024_CCN Channel

Falam peng chung ah hriamtlai phukhat a simi Chin National Defense Force -CNDF nih CNA cu falam khuapi chung ah kahdohnak zeihmanh tuah lo ding in ralrinnak ca a pek.

SAC runvennak tang ah a um mi Falam khuapi cu CNO/CNDF nih laak dingin kumcheu renglo timhtuahnak faak piin kan ngei.

Cucaah Falam khuapi tlamtling tein kan laak khawh nak ding caah CNO/CNDF le Chin Brotherhood theihpinak le lungtlinnak tel loin CNA nih mahnawl in zei kahdohnak hmanh nan tuah lai lo tiah theihternak ca cu CNDF nih an kuat hna.

Hpapun Khuapi Laak Kahdohnak Ah Royal Peacock Column In Ralkap Pahnih Nunnak Liam

Salai Chanawithang — Sat, 27 Apr 2024 02:14:58 +0000

Vaupi [ April ] 26, 2024_CCN Channel

Kayin ramkulh, Hpapun peng hrambunh SAC ralkap sakhan Khah-mah-yah ( Battalion -340) laak kahdohnak ah mipi ralkap pahnih nunnak a liam tiah Royal Peacock Column nih cathanh an chuah.

April 24 ni ah Royal Peacock Column chungtel ralkap Be Gyi le Ko Hnget cu rampi dohthlennak caah an nunnak an pek, nunnak a petu kan ralkap hna upatnak kan in pek hna tiah an langhter chih.

Mindat Peng , Vomthu Teihne Sii-inn Bomb Thlak Ruang Ah A Thimi Minung 4 An Phan, 15 Leng Nih Hliamhma Faak An Tuar

Salai Chanawithang — Sat, 27 Apr 2024 02:09:40 +0000

Vaupi [ April ] 26, 2024_CCN Channel

Mindat peng, Teihne No.2 Vomthu sii-inn cu April 25, zaan sml 8:00 ah SAC ralkap nih raltuknak vanlawng in bomb a thlak caah sii a thlop lio mi minung 4 nunnak a liam i minung 15 leng nih hliamhma faak an tuar tiah kan theih.

“Bomb thlak ruang ah sii aa thlop lio mi minung 4 a hmun ah an nunnak a liam i, minung 15 leng nih hliamhma faak an tuar, hi nak zong in an tam kho,” tiah CDF -Mindat in ṭuanvo ngeitu Hua Om nih VOA ah a fehter.

Hi bomb thlak ruang ah hin sii-inn le zung riantuan hna umnak inn pawl zong a rawk tiah a chim chap.

Cun Vomthu sii-inn lawng si loin a pawng khua, khua 2 zong ah April 26 zinglei ah bomb a thlak than caah mipi hliamtuar le inn rawkral a um kho tiah CDF-Mindat nih an langhter. Hi ti vanlawng in bomb a thlak lio ah hin kaphnih kar kahdohnak zei hmanh a um lo tiah theih a si.

Vomthu khua cu Mindat khua chaklei meng 20 hrawng hlat ah a um mi khua a si. Vomthu sii-inn hi Mindat peng lawng si lo in Kanpalet peng, Matupi peng, Magwe ramthen, Pakokko peng, Gangaw peng Yaw lei tiang nih an rak fuhpanhmi sii-inn a si.

CYLA Nih Myanmar Ram Arakan Ramkulh Ah Thilri Kua Ti Lo Dingin Nawl Chuah

Salai Chanawithang — Fri, 19 Apr 2024 14:15:05 +0000

Myanmar ramchung buai ruangah tulio hi Mizoram hmun tampi ah Rakhine/Arakan ramkulh Myanmar ramchung ah Petrol, Diesel le nifa eidin thilri tampi luhpi a si. Hi kongkau ah hin Center Young Lai Association (CYLA) Kumpuan Committee nih cun khua a ruah țungmang. Kan ramchung ah Myanmar, Manipur, Bangladesh rambuai ruang ah ralzaam tampi an phan i, nichiar eidin a herhtuk cuahmah lio ah kan ramchung in thilri tampi laak a si caah mizapi nih harnak an ton thawk hnik cang. Thil a tlung ciami kong zong tuaktan in thilri phur hna motor ngeitu le driver hna caah hin a him fawn lo.

Nihin 2024 Vuapi 16 thawk in bia nolh a um hlaan chung cu Lawngtlai District leng le Lawngtlai District chung in Lawngtlai District pal in Myanmar ramchung ah thilri a kua mi vialte hna nih kua ti lo dingin CYLA Kumpuan Committee nih kan in nawl hna. Kan ram le miphun himnak ding a si ti hngal in, hi nawlnak hi biapi ah chia dingin CYLA Kumpuan Committee nih mizapi kan in nawl hna, tiah CYLA Kumpuan Committee nih mizapi sinah thanhnak an tuah.

Malaysia Ah Chin Mi Kumriat Ngakchia Pate Thah A Tong

Salai Chanawithang — Mon, 15 Apr 2024 12:42:02 +0000

Vaupi [ April ] 14, 2023_CCN Channel

Hakha peng, Malsawm khuami Peter Biak Tha Cung (Kum ngakchia te cu nihin April 14 (Zarhpi Ni) chun sml 1:40 hrawng ah Chin tlangval pakhat nih a thah tiah kan theih.

Peter Biak Tha Cung hi a upa (kum 15) le a nu he Malaysia ah khuasa mi an si, a nu nih inn floor a tlaih i innkhan pakhat hi mithat lainawng pa nih a hlan hna caah innkhat ah khua an sa ṭi hna.

“Mithat lainawng pa nih a ihnak khan ah a auh i Peter Biak Tha Cung cu a thah hnu ah a upa ihnak khan ah a va kal i a nau handphone cu a va pek i a zaam” tiah naihniam nih CCN ah a chim.

“A upa te nih inn khat khuasa an si tik ah a nau cu a it rua tiah a ruah i zei a hngal lo, caan tlawmpal a rauh ah ka nau tho cang tiah a va hlauh ah cun a nau te cu a rak cawl ti lo, sunghno an nu hi riantuan nak ah a kal lio a si i a online lo caah chungkhat an Ni cu a upa te nih ka nau a tho ti lo tiah phone a chawnh” tiah a chim chap.

Peter Biak Tha Cung ruak cu siizung pi ah an kal pi i nawlngeitu hna nih hringtu a nu lawng an luh ter tiah theih a si.

Mithat lainawng pa he pehtlai in kan hlat khawh tawk ah cun hi pa hi a caan ah a thluak a hman lo mi a si i a mah i hringtu a nu zong hi a hrut pah lengmang i fimsii an chuh peng mi a si tiah naihniam pakhat nih CCN ah a chim.

Malaysia ram palik nih mithat lainawng pa cu an kawl cuahmah lio a si i a tu tiang cu an tlai kho rih lo tiah theih a si.