Chin state Falam khuapi chung Cinmual veeng um siangsangruun sianginn No.(2) pawng ah puahkehnak thawng a thang tiah khuami sin in thawng kan theih.
Puahkehnak thawng hi June 13 zaan suimilaam 10:30 tluk ah a si.
Falam khuapi Cinmual veng um khuami pakhat nih, “suimilaam 10:30PM tluk ah puahkehnak thawng a thang. Mi zei an si cu kan hngal ve lo. Thawng kan theihnak hi sianginn pawngkam hrawng in a si. Voi khat lawng a puak. Cu hnu ah SAC ralhrang lei nih meithal zuun tam ngai an puah,” tiah CCN ah a chim.
Falam khuapi chung ah ralhrang hon mi sianginn an kai ruang ah 2021 May thla chung ahkhan atu siangsangruun sianginn No (2) le Aa-Ma-Ka (5) sianginn hna cu bomb in rak puah bal a si.
Photo: -2021 May thla i bomb in an rak puah mi sianginn.