White House ah tuahmi “Women’s History Month” caan hmannak ah President Joe Biden nupi Jill Biden nih, nu hna nunhrin covo caah pa pawl hmai an chuah i an kilven piak hna awk a si, tiah a chim. “Nu hna nih fahnak, harnak le philh kan si caan ah a kan dirkamhtu pa tampi kan herh,” tiah Jill Biden nih a chim.
Ramkulh hna nih nauhrawhnak an kham khawh timi kan hnu June thla ah Supreme Cout nih thawng a rak thanh. Cu thil thawk in ram chung um Republican nih a ukmi upadi tuah le thlennak nawl a ngeimi bu hna nih nu hna nih nauhrawhnak nawl a ngeihmi caan tawi le nauhrawhnak nawl a khamtu phungphai hna cu an rak chuah.
“Kan ram kan fanu hna caah a tha deuhmi hmailei an nun lamthluan an hmuh nakhnga rian kan tuan than a herh,” tiah Jill Biden nih a chim.
