Yangon, Insein Seminary Hill- Kawlram Baibal Sianginn chung lawng siloin Asia ram ah min ngei pakhat a simi Myanmar Institute of Theology (MIT) nih kum 3 a rauh hnu ah Graduation ceremony cu Vaute 18, 2023 ah tlamtling tein an tuah khawh.
Rai le Raal ruang ah kum 2020 hnu ah a voi khatnak graduation tuah a si. Class of 2021, 2022, 2023 fonh in degree pek an si. A ruang tampi ruang ah minung tlawmte in MIT Chapel Hall ah tuah a si.
Term 3 tiang President a tuanmi, Chin miphun nih pacan ah kan i ngeihmi Rev. Dr. Samuel Ngun Ling cu pensen pek a si cang i thlahnak zong an tuah piak.
MIT nih kum 2023 thawk in riantuantu thar zong thimnak an tuah. Hruaitu thar hna cu:
President: Dr. Naw Eh Tar Gay
Vice President: Rev. Dr. La Rip Marip
Academic Dean: Rev. Dr. Saw Augurlion
Dean of Liberal Arts Program: Rev. Man Tung Thang
Registrar: Rev. Naw May Paw
Dean of Students (Theology): Rev. Dr. Thomas Cung Bik
Dean of Students (LAP): Sayama Aye Min Khaing
