Karen ram, Lawikaw thonginn ah SAC ralhrang nih tlaih a tongmi Maung Nge (Kum 21) cu sii thlopnak nawl pek lo ruang ah a nunnak a liam tiah PKPF nih October 14 ah an thanh.
Maung Nge cu a luancia September thla ah khan mipi runveengtu ralkap hna he pehtlaihnak nan ngei tiin an rak tlaih i ralhrang sinak pohmah 52 in thong kum 5 tla ding in an khiah piak tiah theih a si.
Maung Nge cu sii i thlop kho lo ruang ah October 13 ah a nunnak a liam hi a si tiah theih chap a si.
Karen ramkulh chung ah hramhram in uknak laak hnu in mipi 333 nih tlaihkhih an tong i minung 3 cu thihdaan pek an si tiah PKPF nih a langh ter chap.
Cu leeng ah mipi a thimi 279 tiang an phan cang. Ralhrang nih kah ruang ah, bomb i lamh sual ruang ah le ralhrial ruang hna ah an thih hi a si tiah theih chap a si.
Source: BBC Burmese
